الملاحظات

- -:: مجلس شعراء قبيلة بني غانم الهلالية ::- يختص بفطاحلة الشعراء الكبار من القبيله

إضافة رد

انت الآن بمنتدى قبيلة بني غانم

انت الآن بمنتدى قبيلة بني غانم

قديم 09-23-2014, 12:48 AM رقم المشاركة : 1
معلومات العضو
 ابن رشيد الطرفاوي 
ılılı.][ عضو مجلس إدارة ][.ılılı

الصورة الرمزية ابن رشيد الطرفاوي

إحصائية العضو







آخر مواضيعي


ابن رشيد الطرفاوي غير متواجد حالياً


Berigh10 تباشروا ياللي على سهيل شفقين

بسم الله الرحمن الرحيم
بعد غياب متواضعه ارجو ان تنال بعض الاستحسان
تاريخ كتابتة القصيده 10/ 8/ 2014

تباشروا ياللي على سهيل شفقين
تباشروا جتكم ليال المسره
هب البراد وساح بال المشقين
وراح التويبع والثريا تجره
وانزاحت الجوزا مع اللي مقفين
واللي يعرف نجومها ماتغره
والحر زل وهل نجم الكليبين
من بعد مالمرزم شوانا بحره
وسهيل باقي عن دخوله سبوعين
بحساب منهم حاسبين المجره
وانا تراي من البطا خاطري شين
والهم والهوجاس بالي يفره
متى على الله نمسك الخط ماشين
نطلع من ازعاج المدينه لبره
لاجيت شرق طريف سبعه وتسعين
قبل الشعيب المعترض لا تمره
سند جنوب وقبلةً للمصلين
وارفق على الموتر وحذرا تزره
والياقطعت بموترك حول عشرين
تشوف لك بيتن بعالي مقره
بيتن مشرع للرجال المسمين
هم محزمي لاصار بالوقت فره
في مرقب يكشف بعيد الميادين
راع الهوى لازم يجيه ويمره
تشوف دو خالي من هل الضين
وتشوف من قبله خباري وحره
قاعً بياحيه تشفق لها العين
منها تروح الضيقه المستمره
اول نزلنا بالطريفاوي سنين
معبار قرناس الحرار وممره
اشقر حرارن راجح بالموازين
غير الامير بنقلته ماتشره
جثلن عريض الساق عاقد حجاجين
مالامست كفه على طول فره
ومعبار دلماًمن فروخ الشياهيين
كن الحراب بعينها مستقره
لعرضت واومت بروس الجناحين
عقيد قومن قام والبشت شره
لكن عفناها بعد صار تعدين
من عقب مالشركات زادت حفره
ياعل تسقيها السحايب بتشرين
سيلن يشيل عقومها مع زبره
يعلها وبل الثريا بعد حين
واتتبع الجوزا وتردف بغره
الين ماتصبح رياض وبساتين
وتربع الهزلا ويزداد دره
ادعي لها من باب سلم الوفيين
وادعي لها من باب ولف ومبره
قلته وانا متضايق وخاطري شين
والقلب فرار الهواجس يفره
مايستريح وينشرح خاطري لينً
اطلع من ازعاج المدينه لبره

الشاعر صالح حمدان الطرفاوي






رد مع اقتباس

Sponsored Links

Sponsored Links

انت الآن بمنتدى قبيلة بني غانم

قديم 09-29-2014, 03:06 PM رقم المشاركة : 2
معلومات العضو
 بعيد الهقاوي 
-:: عضو مجلس إدارة ::-

الصورة الرمزية بعيد الهقاوي

إحصائية العضو







آخر مواضيعي


بعيد الهقاوي غير متواجد حالياً


افتراضي

اهلا وسهلا بك ابو ياسر ..
قصيدة جزلة من شاعر جزل
فعلا استبشرنا بقرب سهيل والبراد
واستبشرنا بجديدك






رد مع اقتباس
إضافة رد

انت الآن بمنتدى قبيلة بني غانم


مواقع النشر (المفضلة)

انت الآن بمنتدى قبيلة بني غانم


الكلمات الدلالية (Tags)
تباشروا, ياللي, شفقين, سهيل

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سهيل جاك وزان وقت المطاريش عبدالله الماجدي -::مجلس الشعرالنبطي::- 6 09-04-2013 08:24 AM
ياللي دخلت السووق وقف بحاكيـك ابو دانه --:: القـصائد المنقــولة ::-- 3 03-29-2010 12:01 AM
..~.. انت ياللي ممتحني ..~.. ابومازن --:: القـصائد المنقــولة ::-- 0 12-05-2009 07:50 PM
يالله ياللي له صلاتي نايف - -:: مجلس شعراء قبيلة بني غانم الهلالية ::- 10 10-10-2009 09:50 AM
طلوع سهيل وقصيدة جميلة .. للشاعر حمود بن مطر الرويعي الكنترول -::مجلس الشعرالنبطي::- 9 08-29-2009 08:16 PM


الساعة الآن 04:09 PM.